+KE FLOW ESKOLAn, errepidea ere aintzat hartzen dugu gure edukietan. David López da arlo horren arduraduna, bizikleta meheak maite dituztenentzat. Gure kide Daviden curriculumak argi erakusten du zenbat maite duen kirol hau. 16 urtez txirrindulari profesionala izan da, eta horietatik 14 WorldTour-eko lehen dibisioan eman ditu; hala, Euskatel, Caisse D´Epargne, Movistar eta Sky taldeetan aritu da, besteak beste. Bere ibilbide profesionalak bost kontinenteetan zehar eraman du eta besteak beste Australia, Txina, Japonia, Kolonbia, Kalifornia eta Kanadan lehiatu da.

2018an utzi zuen tropel profesionala. Ondoren, III mailako (kategoria gorena) kirol-zuzendari titulua atera zuen.

Gaur egun, hainbat zikloturismo-ekimenetan hartzen du parte, kirol-markekin lankidetzan aritzen da, udalerri mailan gida turistikoa da, eskolekin irteerak egiten ditu, hainbat programetan hitzaldi didaktikoak eskaintzen ditu…

Txirrindularitzaren zale eta maitale handia da, modalitate guztietan.

Garaipen-zerrenda:

• 16 itzuli handi: 4 Italiako Giro, 4 Frantziako Tour eta 8 Espainiako Itzuli.
• 2019ean, Espainiako itzulian etapa bat irabazi zuen [WorldTour kategoria]
• 2007an, Alemaniako Itzulia irabazi zuen [WorldTour kategoria]
• 2013ko Eneco Tourreko irabazlea [WorldTour kategoria]
• 2009ko Espainiako itzulia irabazi zuen taldeko kide, Alejandro Valverderekin batera.
• 2013ko Tourra eta 2017ko Itzulia irabazi zuen taldeko kide, Chris Froomerekin batera.